19 лістапада 2022 года навучэнцы групы 63Э з куратарам Канаш Аленай Дзмітрыеўнай наведалі мастацкую галерэю Пухавіцкага краязнаўчага музея ў горадзе Мар’іна Горка. Навучэнцы пазнаёміліся са зместам часовай экспазіцыі “Жыццё і побыт нашых продкаў”. Было цікава паглядзець, памацаць, патрымаць у руках прылады, якімі карысталіся прадзеды і прабабулі ў побыце. Навучэнцы прынялі актыўны ўдзел у віктарыне, якую падрыхтавалі супрацоўнікі музея. Яны ахвотна шукалі адказы на пытанні пра прызначэнне гаспадарскіх прадметаў. Істотна адзначыць тое, што ўсе прадстаўленыя прадметы адлюстроўваюць жыццё людзей у Пухавіцкім раёне.