Get Adobe Flash player
Эмблема колледжа

Мероприятия цикловых комиссий

Открытый воспитательный час по формированию здорового образа жизни

Открытый воспитательный час по формированию здорового образа жизни «Спорт и здоровье»

19 марта куратор группы 112М Кишко Н.А. провела открытый воспитательный час «Спорт и здоровье» в форме интерактивной игры. В мероприятии приняли участие учащиеся групп 112М и 90 УМ. Мероприятие было направлено на формирование ценностного отношения к здоровью и собственной жизни, потребности и готовности планирования прогрессивных жизненных целей. Во время интеллектуального ринга учащимся были предложены самые разнообразные задания и творческие конкурсы, в которых они могли проявить не только знания, но и смекалку: спортивный мозговой штурм, разгадывание ребусов и кроссвордов, поиск поговорок и пословиц, песен о спорте, узнавание спортсменов, распределение продуктов по витаминным группам. Воспитательный час прошел под девизом «Хорошее здоровье – основа долгой, счастливой и полноценной жизни».

Свята прыгожага пісьменства

Свята прыгожага пісьменства

12 сакавіка адбылася сустрэча навучэнцаў першага курса з сучаснымі беларускімі паэтамі Эдуардам Акуліным і Леанідам Дранько-Майсюком. Кожны раз сустрэча паэтаў з нашымі навучэнцамі праходзіць у форме сапраўднага свята – свята прыгожага пісьменства, паэзіі, музыкі, гісторыі. Як добрыя сябры, Эдуард Акулін і Леанід Дранько-Майсюк падзяліліся патаемнымі думкамі: пра каханне і сям’ю, пра адказнасць за свае ўчынкі, пра творчасць. Спадзяёмся, што знайшла водгук у душах першакурснікаў парада Леаніда Васільевіча: “Думай! Заўсёды думай! Збіраешся зрабіць крок наперад – падумай, крок назад – таксама падумай. Можа, якраз у гэты момант трэба проста спыніцца.” А песні ў выкананні Эдуарда Аляксандравіча заўсёды з’яўляюцца прыгожым аздабленнем свята. Прыемна, што навучэнцы ахвотна падпяваюць аўтару. На памяць аб сустрэчы застанецца чарговы нумар часопіса “Верасень”, які набылі навучэнцы для таго, каб пазнаёміцца з цікавымі творамі розных жанараў, а таксама і для таго, каб пасля любавацца на аўтографы, пакінутыя аўтарамі.

Экскурсія ў Дзяржаўны музей гісторыі беларускай літаратуры

Экскурсія ў Дзяржаўны музей гісторыі беларускай літаратуры

04 сакавіка 2020 года навучэнцы групы 119М з выкладчыкам беларускай мовы і літаратуры Свірыдавай А.В. наведалі Дзяржаўны музей гісторыі беларускай літаратуры, дзе пазнаёміліся з развіццём літаратурнага працэсу праз экспанаты пастаяннай экспазіцыі “Беларуская літаратура другой паловы ХХ ст.”. Цікавасць выклікалі аўтографы і асабістыя рэчы беларускіх пісьменнікаў, творы якіх уключаны ў праграму па беларускай літаратуры ў каледжы. Станоўчыя эмоцыі перажылі навучэнцы і каля стэнда, прысвечанага сучасным паэтам, з якімі восенню асабіста пазнаёміліся падчас сустрэчы ў каледжы: Эдуарду Акуліну і Леаніду Дранько-Майсюку. Надведванне музея дае магчымасць сцвердзіць думку, што літаратура – гэта не толькі біяграфіі вялікіх асобаў, але і біяграфіі вялікіх стыляў, культураў і нават цывілізацый.

Экскурсія ў Дзяржаўны музей гісторыі беларускай літаратуры

Экскурсія ў Дзяржаўны музей гісторыі беларускай літаратуры

28 лютага 2020 года навучэнцы групы 68А з выкладчыкам беларускай мовы і літаратуры Свірыдавай А.В. наведалі Дзяржаўны музей гісторыі беларускай літаратуры, дзе пазнаёміліся з экспанатамі пастаяннай экспазіцыі “Беларуская літаратура другой паловы ХХ ст.”. Цікавасць выклікалі аўтографы беларускіх пісьменнікаў, творы якіх уключаны ў праграму па беларускай літаратуры ў каледжы.

Таксама праглядзелі і часовую літаратурна-мастацкую экспазіцыю “Мудрасць вякоў”, якая створана да юбілеяў гуманістаў-асветнікаў: Еўфрасінні Полацкай, Кірылы Тураўскага, Францыска Скарыны, Міколы Гусоўскага, Сымона Буднага, Вясіля Цяпінскага. Тут навучэнцы былі не проста слухачамі, а актыўнымі ўдзельнікамі інтерактыўнай гульні “Адкажы сам”, падчас якой праявілі добрыя веды па гісторыі і літаратуры.

З любоўю да мовы

З любоўю да мовы

Дзень роднай мовы, які ва ўсім свеце адзначаюць 21 лютага, – традыцыйнае свята ў нашым каледжы. Яго арганізатарам штогод выступае загадчык кабінетам беларускай мовы і літаратуры Свірыдава А.В.

Як правіла, найбольш актыўнымі ў святкаванні гэтага цудоўнага дня з’яўляюцца выкладчыкі агульнаадукацыйных дысцыплін, але ў гэтым годзе да іх з задавальненнем далучыліся калегі з іншых цыклавых камісій. Былі запланаваны і праведзены не толькі пазнавальныя, але і захапляльныя мерапрыемствы, у якіх прыняла ўдзел болей за 200 навучэнцаў розных курсаў і 18 выкладчыкаў.

У фае галоўнага корпуса, у кабінеце беларускай мовы і літаратуры, на трэцім паверсе корпуса “Агранамія”  наведвальнікі аб’яднанняў па цікавасцях “Старонкі гісторыі” і “Мінуўшчына” аформілі тэматычныя стэнды  і выставы.

Інфармацыйныя гадзіны “Сучасны стан беларускай мовы”,  “Цікавыя факты пра беларускую мову”, “З вытокаў роднай мовы”, “Скарбы роднай мовы”, “Дзень мовы” правялі куратары вучэбных груп Бараноўская В.В., Канаш А.Д., Худзіцкі А.А., Кушняроў В.А., Сарачынская В.І., Кішко Н.А., Аседач А.А., выкладчык беларускай мовы і літаратуры Свірыдава А.В.

Беларускамоўныя хвіліны духоўнасці на занятках правялі выкладчыкі Арэшчанка А.В., Дзедучэнка Л.Р., Сурма Т.В.,  Хлебавец Т.Г. Матывацыя пазнавальнай дзейнасці праз выкарыстанне беларускамоўных сеціва-рэсурсаў на занятках па англійскай мове адбылася дзякуючы выкладчыку Казак Д.М.

На перапынках былі праведзены акцыі пад агульным дэвізам “З любоўю да мовы”:  “Лічбы, лікі і лічэнне” (Канаш А.Д.), “Раслінны свет краіны” (Кушняроў В.А.), “Характарыстыка чалавека” (Свірыдава А.В.), “Талент і напеў роднай зямлі”. Цікавасць выклікалі інтэрактыўныя праекты, дзе для выканання заданняў трэба было выкарыстоўваць звесткі з інтэрнет-крыніц: movananova.by, zviazda.by, adukar.by.

Усе: арганізатары, удзельнікі і наведвальнікі мерапрыемстваў – атрымалі задавальненне ад пануючай прыгажосці роднага слова. Паўтараць вядомае і даведвацца новае пра беларускую мову разам атрымалася на “выдатна”!