Кожная пятніца — роднае, сваё…

У Рэспубліцы Беларусь пачаў рэалізацыю агульнанацыянальны праект “Кожная пятніца — роднае, сваё…”, які накіраванага на папулярызацыю ўсяго беларускага. Ініцыятарам праекта стала Міністэрства антыманапольнага рэгулявання і гандлю. Адна з мэтаў праекта — умацаванне нацыянальнай самабытнасці праз мову, музыку і традыцыі. Навучэнцы і выкладчыкі Мар’інагорскага дзяржаўнага АТК далучыліся да тэматычных мерапрыемстваў. Распрацавалі план, згодна якога кожную першую пятніцу месяца яны будуць слухаць беларускую музыку, кожную другую – чытаць  урыўкі з рамана Ніла Гілевіча “Родныя дзеці”, кожную трэцюю — выкарыстоўваць элементы беларускага нацыянальнага стылю ў вопратцы, а кожную чацвёртую – глядзець беларускамоўныя фільмы, спектаклі, тэлевізійныя перадачы.

9 студзеня было смачна слухаць адступленне “Кулінарнае” ў  рамане Ніла Гілевіча “Родныя дзеці”, пасля чаго захацелася прыгатаваць на вячэру нешта беларускае, напрыклад, дранікі.

16 студзеня ў групе 136М выкладчык беларускай мовы і літаратуры правяла ўрок па беларускай мове на тэму “Навучальнае сачыненне-разважанне на грамадзянска-патрыятычную тэму”. Трэба адзначыць, што на яе вопратцы прысутнічалі элементы беларускага нацыянальнага стылю – брошка ў выглядзе валошкі. Раскрываючы тэму сачынення, навучэнцы з задавальненнем разважалі пра беларускія прамысловыя брэнды, па якіх пазнаюць нашых суайчыннікаў ва ўсім свеце.

#ДзеньРоднагаСвайго