Язык сайта
Для слабовидящих
Поделиться

Группа ВКонтакте

Літаратурны конкурс “Беларускі салавей”

Дзяржаўная ўстанова адукацыі “Мінскі абласны інстытут развіцця адукацыі” інфармуе, што Нацыянальная бібліятэка Беларусі да 135-годдзя з дня нараджэння Змітрака Бядулі з 1 па 31 кастрычніка 2021 года праводзіць літаратурны конкурс “Беларускі салавей”. Гэта ўжо другі конкурс у рамках праекта “На хвалі часу, у плыні жыцця” прысвечаны творчасці пісьменнікаў літаратурнага аб’яднання “Маладняк”, які рэалізуецца Нацыянальнай бібліятэкай Беларусі сумесна з Дзяржаўным музеем гісторыі беларускай літаратуры, Беларускім дзяржаўным архівам-музеем літаратуры і мастацтва і Выдавецкім домам “Звязда”.

Нацыянальная бібліятэка на сваім партале прадстаўляе шмат інфармацыі аб выбітных асобах літаратурнай арганізацыі “Маладняк” (1923-1928) і яе актыўных дзеячах. Творчая дзейнасць пісьменнікаў-удзельнікаў праекта уваходзіць у агульнаадукацыйную праграму навучання. Матэрыялы праекта могуць быць карыснымі
як выкладчыкам, так і навучэнцам для пашырэння і сістэматызацыі ведаў па прадмеце.

Далучыцца да конкурсу “Беларускі салавей” могуць усе жадаючыя незалежна ад узросту. Работы будуць прымацца ў перыяд з 1 па 31 кастрычніка 2021 года. Для ўдзелу ў конкурсе неабходна напісаць эсэ з сюжэтнай лініяй (prequel, sequel або spin­off) па адным з прапанаваных твораў Змітрака Бядулі: “Салавей”, “Сярэбраная табакерка”, “Бондар”, “На Каляды к сыну”.

Дадатак (Скачать)