Рэспубліканская акцыя “Вандруй! Адчуй! Натхняйся!”

Навучэнцы, якія наведваюць аб’яднанне па цікавасцях “Старонкі гісторыі” і актывісты ГА БРСМ прынялі ўдзел у рэспубліканскай акцыі “Вандруй! Адчуй! Натхняйся!”. Акцыя накіравана на папулярызацыю ўнутранага турызму. На чале з кіраўніком народнага музея гісторыі ўстановы адукацыі Свірыдавай А.В., сакратаром ПА БРСМ Бараноўскай В.В., выкладчыкам англійскай мовы Кандрацьевым Я.М. наведалі ДУК “Пухавіцкі раённы краязнаўчы музей” у аграгарадку Блонь. Наведванне атрымалася цікавым, пазнавальным і захапляльным. У незвычайнай форме былі прадстаўлены звесткі пра гісторыю і развіццё нашага рэгіёна. А найбольшую цікавасць выклікалі інтэрактыўныя праекты, прапанаваныя супрацоўнікамі музея, падчас якіх навучэнцы адчулі на сабе ўсе праявы гаспадарскай дзейнасці нашых продкаў.