Святкаванне 85-годдзя сістэмы прафесіянальнай адукацыі Мінскай вобласці

3 кастрычніка 2025 года, напярэдадні Дня настаўніка, у Доме культуры горада Барысава адбылося ўрачыстае мерапрыемства да 85-годдзя сістэмы прафесіянальнай адукацыі Мінскай вобласці.

У межах святочных мерапрыемстваў каледж прыняў удзел у прафарыентацыйных мерапрыемствах, дапамагаючы школьнікам Барысаўскага раёна ў выбары будучай прафесіі.

Падчас святочнага канцэрта двойчы запрашалі на сцэну для ўзнагароджання выкладчыка, кіраўніка народнага музея гісторыі ўстановы адукацыі Алену Валянцінаўну Свірыдаву.

За добрасумленную плённую працу ў сістэме адукацыі,  дасягнутыя поспехі ў навучанні і выхаванні моладзі і ў сувязі з 85-годдзем сістэмы прафесіянальнай адукацыі Алена Валянцінаўна ўзнагароджана Падзякай Міністэрства адукацыі Рэспублікі Беларусь.

За шматгадовую добрасумленную працу, высокі прафесіяналізм,  асабісты ўклад у развіццё прафесіянальнай адукацыі, падрыхтоўку высокакваліфіцыраваных кадраў для аграпрамысловага комплексу і ў сувязі з 85-годдзем сістэмы прафесіянальнай адукацыі Алена Валянцінаўна адзначана Ганаровай граматай Мінскага абласнога камітэта Беларускага прафесіянальнага саюза працаўнікоў аграпрамысловага комплекса.

Алена Валянцінаўна адзначае, што такіх поспехаў і ўзнагарод можна дасягнуць  тады, калі любіш тое, што робіш, тых, з кім робіш, тых, для каго робіш. Гэта вынік сумеснай дзейнасці з навучэнцамі і калегамі пры падтрымцы адміністрацыі.