Навучэнцы 1МР групы пабывалі на адкрыцці выставы ілюстрацый Уладзіміра Сытчанкі да аповесці “У тумане”, якая пачала працаваць у мастацкай галерэі Пухавіцкага раённага краязнаўчага музея. Дырэктар музея Аляксандр Прановіч пазнаёміў навучэнцаў са зместам аповесці Васіля Быкава “У тумане”, паведаміў пра аўтара ілюстрацый — мастака Уладзіміра Сытчанку. Навучэнцы пазнаёміліся з ілюстрацыямі, выкананымі вуглём па паперы. Закончылася мерапрыемства інтэрактыўнай віктарынай, падчас якой навучэнцы суадносілі ілюстрацыі з сюжэтнымі сцэнамі з аповесці.