Выстава “Свята для кожнага беларуса”

У кабінеце беларускай мовы і літаратуры аформлена кніжная выстава “Свята для кожнага беларуса”. Яна прыўрочана Дню народнага адзінства, які наша краіна адзначае 17 верасня. Гэты дзень стаў актам гістарычнай справядлівасці ў адносінах да беларускага народа, падзеленага супраць яго волі ў 1921 годзе па ўмовах Рыжскага мірнага дагавора, і назаўсёды замацаваўся ў нацыянальнай гістарычнай традыцыі. Адноўленае ў 1939 годзе адзінства дазволіла Беларусі выстаяць у гады Вялікай Айчыннай вайны, заняць ганаровае месца ў міжнароднай супольнасці. На выставе прадстаўлены творы беларускіх паэтаў і пісьменнікаў, якія сталі ўдзельнікам тых падзей: Максіма Танка, Янкі Брыля, Якуба Коласа, Вячаслава Адамчыка.