Елка истории

С 16 по 23 декабря 2022 года в музеях нашей страны проходит акция «Елка истории». Посетители приносят в музей старую новогоднюю игрушку с интересной историей, изложенной на бумажной основе в форме елочного шарика. Самые интересные истории будут размещены в социальных сетях и средствах массовой информации, а новогодние игрушки пополнят фонды музеев и станут основой для создания музейного календаря.

Оформлена такая елка и в Пуховичском районном краеведческом музее. 20 декабря учащиеся, посещающие объединение по интересам «Страницы истории», и руководитель народного музея истории учреждения образования Свиридова Е.В. приняли участие в акции. Они разместили стеклянный новогодний шарик, который был выпущен в 1980 году, а также разместили историю о том, что усиливает веру в существование Деда Мороза.

30-годдзе мастацкай галерэі Пухавіцкага раённага краязнаўчага музея

20 снежня 2022 года кіраўнік народнага музея гісторыі ўстановы адукацыі Свірыдава А.В. і навучэнцы, якія наведваюць аб’яднанне па інтарэсах “Старонкі гісторыі”, былі запрошаны на “Ціхае свята” – так назвалі мастакі мерапрыемства з нагоды 30-годдзя мастацкай галерэі Пухавіцкага раённага краязнаўчага музея. Там адбылася незабыўная сустрэча з беларускімі і кітайскімі мастакамі.  Яўген Шунейка, Фёдар Ладуцька, Андрэй Лычкоўскі, Галіна Цыдзік і Чжан Юінін падзяліся з гасцямі сакрэтамі сваёй творчасці, пагаварылі пра неабмежаваныя магчымасці мастацтва і пра яго ўплыў на светапогляд людзей. Гаворка атрымалася вельмі захапляльнай. Навучэнцы задавалі гасцям самыя розныя пытанні – і на ўсе атрымалі шчырыя адказы. А на некаторыя пытанні знайшлі адказы ў карцінах мастакоў, якія зараз экспаніруюцца ў мастацкай галерэі. Асаблівае ўражанне ў маладых людзей выклікаў мастак Чжан Юінін. Ён каля дваццаці гадоў жыве ў Беларусі, піша карціны і пра нашу краіну, і пра сваю радзіму. З захапленнем Чжан расказаў пра сваё жыццё ў Беларусі, падзяліўся тым, што яго найбольш моцна ўразіла ў нашай краіне, вывучыў з намі некалькі беларускіх слоў і перадаў прывітанне навучэнцам каледжа на кітайскай мове.

Як сустрэнеш Новы год…

На працягу снежня навучэнцы, якія наведваюць гурток “Беларусачка”, які працуе пры кабінеце беларускай мовы і літаратуры, рыхтаваліся да сустрэчы Новага года. Разам з загадчыкам кабінета Свірыдавай А.В. упрыгожвалі аўдыторыю, майстравалі розныя атрыбуты свята. Напрыклад, елка сёлета мае імя – Беларусачка-патрыётка. А самым нечаканым атрыбутам стаў папулярны зараз адвент-каляндар.

19 снежня – у дзень святога Мікалая — жадаючыя паўдзельнічалі ў цікавым мерапрыемстве “Як сустрэнеш Новы год…”. Прысутныя пазнаёміліся  з традыцыямі святкавання Новага года на Беларусі; даведаліся, што агульнага ў Святога Мікалая і Дзеда Мароза, хто такі Зюзя і чым ён адрозніваецца ад Дзеда Мароза; праслухалі тэматычныя песні на словы беларускіх паэтаў – напэўна, самая вядомая з іх “Завіруха” – напісана на словы Генадзя Бураўкіна.

Было цікава паслухаць і пра тое, як адзначалі Новы год некаторыя беларускія пісьменнікі. Так, напрыклад, Якуб Колас еў ламанцы і растрэсваў на стол сена, рабіў ён гэта з Максімам Лужаніным, бо іх сем’і часта сустракалі Новы год разам. У навагоднюю ноч 1942 года Андрэй Макаёнак ішоў у наступленне. А 1944 год Васіль Быкаў  сустрэў пад сціртай у заснежаным полі.

Напрыканцы мерапрыемства навучэнцы прынялі ўдзел у кароткіх віктарынах “Так” ці “Не” і “Хто?”, зарабілі салодкія падарункі. Усе прысутныя атрымалі прадказанні на наступаючы год, пажаданні, якія падрыхтавалі выкладчыкі, — усё гэта было схавана ў адвент-календары.

P.S. Свірыдава А.В. і навучэнцы першага курса віншуюць з надыходзячым Новым годам і жадаюць, каб зімовыя святы апынуліся светлымі, каб спраўдзіліся самыя цудоўныя надзеі. І хай кнігі беларускіх класікаў стануць найлепшымі сябрамі і дарадцамі!!!