Маленькае падарожжа з вялікім значэннем

27 лістапада першакурснікі з кіраўніком народнага музея гісторыі ўстановы адукацыі Свірыдавай А.В. здзейснілі маленькае падарожжа па галоўным праспекце сталіцы нашай краіны. Яны прайшлі паўз тэатр опера і балета, парк імя Янкі Купалы, Беларускі дзяржаўны цырк, пачат дарог Беларусі, зазірнулі на Востраў слёз. Каля кожнага аб’екта навучэнцы пачулі які-небудзь цікавы факт. Напрыклад, што поўная назва тэатра — Нацыянальны акадэмічны Вялікі тэатр оперы і балета; што менавіта ў гэтым парку знаходзіцца музей Янкі Купалы; што зала ў цырку змяшчае больш за паўтары тысячы месцаў. Асаблівай увагі заслугоўвае наведванне Вострава мужнасці і смутку, вядомага як Востраў слёз. Будоўля гэтага комплекску пачалася яшчэ да завяршэння вайны ў Афганістане. А зараз ён з’яўляецца сімвалам памяці пра ўсе інтэрнацыянальныя канфлікты, у якіх прымалі ўдзел нашы суачыннікі.

Вандроўка была маленькай – усяго 5 тысяч крокаў, але навучэнцам спадабалася адкрываць для сябе новыя факты пра цудоўны горад Мінск.

Экускурсія ў музей гісторыі беларускай літаратуры

Навучэнцы першага курса па ініцыятыве кіраўніка народнага музея гісторыі ўстановы адукацыі Свірыдавай А.В. наведалі музей гісторыі беларускай літаратуры. У год 80-годдзя вызвалення Беларусі ад нямецка-фашысцкіх захопнікаў асабліва актуальным стаў аповед экскурсавода пра творчасць беларускіх пісьменнікаў у гады Вялікай Айчыннай вайны. Па-новаму адкрылася творчасць Міхася Лынькова, Васіля Быкава, Івана Шамякіна, Вячаслава Адамчыка, Івана Мележа. Таксама было цікава даведацца пра экранізацыю твораў беларускім кінематографам. Навучэнцы з захапленнем слухалі, як аўтары стваралі сцэнарыі да фільмаў “Ідзі і глядзі”, “Белыя росы”. Увогуле наведванне музея гісторыі беларускай літаратуры атрымалася пазнавальным, інтэрактыўным, цікавым.