Творчая сустрэча

28 лютага 2024 года навучэнцы і выкладчыкі каледжа сустрэліся з сучаснымі беларускімі пісьменнікамі. На гэты раз да нас завіталі  Старшыня Саюза пісьменнікаў Беларусі Алесь Мікалаевіч Карлюкевіч і паэт Генрых Францавіч Тарасевіч.

У цікавай гутарцы Алесь Мікалаевіч, які працяглы час займаецца краязнаўствам, расказаў навучэнцам пра лёс пісьменнікаў-землякоў, імёны якіх носяць вуліцы ў горадзе Мар’іна Горка, —  Алеся Бачылы і Макара Паслядовіча.

Пра незвычайны працоўны шлях распавядаў і Генрых Францавіч. Ён паведаміў, што па адукацыі ён вельмі блізкі навучэнцам каледжа, бо некалі вывучыўся на агранома. Вучоба так зацягнула яго, што вырашыў яе працягнуць у аспірантуры пры Беларускім навукова-даследчым інстытуце глебазнаўства і аграхіміі. Яшчэ ў школе Генрых Францаваіч пачаў пісаць вершы. Сябры настаялі выдаць кнігу. Урэшце атрымалася пяць паэтычных зборнікаў. Ён перакананы, што вершы пішуцца выключна на аснове асабістага вопыту, уражанняў і эмоцый. З юнацтва захапляючыся музыкай, Генрых Францавіч спалучыў паэтычныя радкі з мелодыяй – атрымаліся цудоўныя кампазіцыі, якія з захапленнем паслухалі навучэнцы і выкладчыкі.

Госці шчыра адказвалі на пытанні прысутных пра тое, як яны адчулі, што могуць пісаць, як з’яўляліся іх першыя творы, адкуль бяруцца героі, што трэба для таго, каб стаць пісьменнікам.

На памяць пра сустрэчу застануцца не толькі добрыя ўражанні, а і кнігі з аўтографамі аўтараў.

Открытка для Васильева Владислава Николаевича

22 февраля 2024 года активист ПО ОО «БРСМ» Черемисин Никита 126М учебной группы подготовил и отправил поздравительную открытку для ветерана Великой Отечественной войны, Васильева Владислава Николаевича.